شلون تسوي عسكريم منذو مبطي(دقة قديمة)!!!!!

السلام عليكم ورحمه الله وبركاته

تحية طيبة للحلوين والشيفات التحيه للمساوه بين الكل وبدون تحطيمن

على طول بدخل في الموضوع بدون مقدمات وفلسفة زيادة علشان ما تقولون اني خفيف دم ثم انحرم من المنتدى اسبوع، فخابركم عيونكم حاره

<<<<<<<< تكفى من زين وجهك

المهم... وانا جالس انتف شعر راسي الا تذكرت لي شغلة كنا (منذو مبطي) نسويها يوم كنا عيال تجار (<<<< حطوا تحت كلمة عيال تجار خطين) >>> قصده عيال فقر...

شلون نسوي العسكريم منذو مبطي؟؟ (العسكريم = ايس كريم)

هذا الله يسلمكم حنا يا عيال التجار، تدرون الفلوس ما ندري وين نحطها، وحفاظا على صحتنا، ومن مبدا تشجيع الصناعة الوطنية <<<<<<<< يا تسذبه>>>>> ما كان يحصل الريال الا بعد الشين

كنا نسوي العسكريم بانفسنا...

وكانت خلطة سرية (ابن امه هالايام يسويها مثلنا)<<<<<<<< اه ثم اه الا ليت الزمان يعود يوماً لا اقوم ارفع غزاله بالسيكل لعيون ساره (هذي سارة وحده كنت احبها منول)

نعود لحديثنا...

عاد كانت هالخلطة لازم يكون عندك الاتي :

1- كاس حديد (ما نعرف هالكاس الا في شهر رمضان)
2- قليل من السكر
3- ملعقة حديد
4- شربيت (فيمتو) >>>>>>> اللي لونه احمر
5- فريزر (يبرد في ساعة)


وتبدا عملية تضبيط العسكريم... تحط لك شوي من السكر (باسلوب ثاني = تضع قليلا من السكر) في كاس الحديد وبعدين تحط لك شوي من الماء وتجلس تحرك السكر والمويه حتى يذوب السكر فالماء وبعدين تجيب الشربيت (الفيمتو) وتحط لك شوي وتجلس تحرك بالمعلقة وبعدين تزيد الماء حتى يوصل راس الكاس (انتبه لا يطفر الماء ) بعدين تحط المعلقة في الوسط، وتمسك الكاس المليان وتحطه في الفريزر وبعد ساعة تعال شف وش صاير؟

طبعا اللي داخل الكاس بيكون مجمد... ثالج

على طول ارفع اسفل الكاس وانكبه وحاول يطلع الفيمتو الجامد والمعلقة في وسطه...وهنا تكون العملية ناجحه مية في المية....


وما بقى عليك الا تبدا في عملية اللحس (قصدي لحس العسكريم اللي مسوينه لا يروح تفكيركم بعيد )


وبالهناء والشفاء

هاه وش رايك بالله فيني

<<<<<<<< سامج مع مرتبة الشرف





ما يستفاد من القصة :

1- قديمك نديمك ومالك الا الاول حتى لو كبرت وصار عندك وظيفة وسيارة <<< مدري وش تبي هالفائدة.
2- العسكريم مفيد للصحة وخاصة انه يكبر الشفايف
3- الدقة القديمة كنت اسمع بها العجز يقولونه خاصة اذا كان الذهب رخيص
4- مالك الا الحب القديم (فانا كنت احب سارة وسارة ما تحبني) ما فيها شي تبادل مشاعر خلابه
5- ما فيها شي اذا كنت سامج وما تعرف تكتب مواضيع ساخره فيمكن يوم من الايام تنجح، فهيفاء وهبي ماهيب اطيب منا >>>>>>> الممسى زين.


تحياتي للجميع،،،

[quote="Admin"]يعطيك العافيه مصرقع على الوصفه
الله لا يحرمنا من وصفاتك القديمه
وتقبل مروري[/quote]


الله يعافيك
وتلحسينه بصحه والعافيه

الله يعطيك العافية
والله يهنيك به
تقبل مروري

الله يعطيك العافية
والله يهنيك به
تقبل مروري

الله يعافيك ... يامفحطة بناقة


تتهنون بصحه والعافيه

مشكور أخوي لاكن انا وش دخلي بساره وبعدين الأيسكريم على أيامك أما العسكريم لاحقت عليه اناعلى أيامنا


أمزح!!
انا بقطة مادري وشو العسكريم إلا كانه هواللي بكيسه ومغصينبه إيدينهم اللي بالتوت!!

ههههههههههههههههههه
اللله لايحرمن من الوصفااااااات القديمه^^^^^والله انها تجيب عوار بالبطن
مشششششششكوراخوي الله يعطيك العافيه
تقبل مرورري