مرحبا بنات
(كان وجهي ما بعلم فيه غير الدواء واللهي اخجل اطلع من البيت ..)
وهاي قصتي
اسمعو بنات انا كنت اسمع بالدوا كتير ..
كنت بتعالج عند دكتور عنا بالاردن
وكان يعطيني دهون عادي وطولت وانا اتعالج وما في فايده ( طبعا كان وجهي مليان حب شباب ) واللهي يا بنات كنت اخجل اطلع من البيت ..
المهم قالي الدكتور ما الك غير هالدور ( رواكيوتان) .. طبعا اول ما سمعت الوالده قالتله لا ما بدي تستعمله بنتي .. قالها الدواء هاد الحل الفعال والاخير لحب الشباب وهوا دواء عالمي ..
( اقولك ليش الوالده معترضه : لانه ازا البنت بدها تستعمل الدوا لازم ما تكون متزوجه ,, لانه ازا كانت متزوجه وحملت بعمل تشوهات للجنين
يعني اي وحده متزوجه لازم اطلاقا لا تحمل خلال فترة الدواء وهي خمسة شهور ,, وتستنى شهر بعد ما اتخلصه عشان يروح مفعوله)
اما البنت يلي مو متزوجه فبيكون احسن كتير ...
ونفس هاد الكلام قاله دكتورين و ثلاثه لوالدتي وبتعرفي اي (ام ) بالدنيا
ازا سمعت في تأثير على انجاب البنت وهيك بتنجن وبترفض ..
وكمان لازم تعملي تحليل دم للكبد قبل ما تستعملي الدواء
وايضا خلال استعمال للدواء ( هاد ما بعرف ليش بس لازم وضروري)
وبعد رفض الوالده ...
رحنا عند دكتور ثاني كتير ناس نصحونا فيه...
وقلتله حالتي ( يا دكتور الي شهور وانا اتعالج وبدي حل نهائي وما بدي كريمات وصابونه و و و لاني ازهقت ..)
قالي : بدك حل نهائي ؟ ما الك غير دواء الرواكيوتان
قلتله امي رافضه ..
وبدا يقنع امي بفائدة الدواء وانا كل مخاوفها ليست بمكانها ..
واني لو كنت متزوجه كان حقها تخاف بس انا لسه مو متزوجه ..
وقالها ازا بدك رح اعطيكي اسماء بنات استخدموه وهلء متزوجات وجابو اولاد ووجوهم صافيه والحمد لله...
ارجعت عالبيت (وبدأت الحرب) واخيرا اعلنت اني رح استخدمه
واعملت استخاره واختي ايضا عملت استخاره ((( اختي نفس مشكلتي طبعا )))
وسألت بنات استخدمو ولما شوفت اوجوهم ما شاااااااااااااااااء الله
تقولي وجوهم بيبي ( طفل) ولا شي ولا حبه ...
والله واجى الوقت يلي بديت استخدمه
(اول شهر بزيد الحب يعني بكثر ليه ؟ لانه بيطلع كل الحبوب يلي بالجسم احتمال بالشهر الاول والتاني يطلعلك حبوب على ظهرك وصدرك حتى لو من قبل ما طلعلك .. بيكون تحت الجلد ..
المهم الشهر التالت ببدا يخف يخف
والاربع بتتفاجأي ؟
وين الحب باقي شوييييييييييييي
الخامس وهو الاخير رح تشوفي وجهك وجسمك كله خالي من اي حبه
وهيك صار معي انا واختي ...
وبعد ما شافت شو صارلنا بنت عمي {{{ وهيه كانت اتعاني من وجود الحبوب على ظهرها }}}} قالت رح استخدمو و الحمد لله هلء ظهرها مراااااااي ولا حبه ..
وبنات خالت بنت عمي استخدمو من قبلنا والحمد لله وجوهم بتجنن حلو هكتير ..
بنصحكم فيه بنات
صحيح ( سعره شوي غالي يعني عشان كده مو منتشر كتير يعني مو كل بنات العالم يستخدمو )
لكن الدواء عالمي .
وازا بتعرف برنامج ( سيره وانفتحت ) لزفين
مره جاب حلقه كامله عن الدواء وجاب دكاتره وكانت الحلقه ناجحه وجابو كتير ناس مستخدمين الدواء ومستفدين
اتمنى لكم التوفيق